gham na kar

mood: coming back to life
song: gone (kanye west)

meray keesay main hai ratoon ka siah fa'am jalal
meray hathoon main hai subhon kee anan-e-gulgoon
meree aghosh main paltee hai khudai saree
meray makdoor main hai mojza-e-kun fayakun
-faiz

bay karan raat kay sannatay main...

mood: lonely
music: offering (ravi shankar & philip glass)

ujar chuka hai sitaroon ka karwan ab to
sham-e-mahtab jo roshan thee wo gul ho bhee chukee
umeed-e-gardish-e-doran kay dil fareb anchal
ghubar-e-rah main hathon say apney choot gae
rubab-e-dil kay sabhee tar ab to toot gae

kisee kee rah jo taktee theen jo muntazar nazrain
wo ashk alooda nigahain jo khoon alood hueen
koee to ho ke jo chupkay say un ko batla dey
jo sang posh nighoon ko ab ye samjha dey

ghuzar chukee hai shab-e-intezar ae saqee
barha de ja'm-e-ma-e-gham ghusar ae saqee

-raffay